دفتر حضور وغياب
بين السحاب بين التراب
بين الصفا والإكتئاب
بين السلام والإحتراب
بين المسافات القراب
بين المساحات العذاب
كنت ببحث عن كتاب
أقرا فيهو الفرحة مرّة
أقلب الصفحات افتّش
عن كليمة تشيل عتاب
عن محبة وطول غياب
كنت وين لمّن هويتك
لمن عشقتك واشتهيتك
لما الزحام شقيتو جيتك
داير أوقع في الدفاتر
أني في غربة هواك
موجود وحاضر
ولسة فاكرك وما نسيتك
. لكين لقيتك
شايله في قليبك عليْ
قايلاني اتخليت عليك
فاكره اني بعد سليتك
اني سافرت ونسيتك
لما الحراب كترت عليك
وكانت وعودهم ليك سراب
ما في واحد شال كتاب
ولا في واحد دقا باب
كان الجميع بدّو الشعائر
ما هو مخلص بس مكابر
زي البدفّق كل مويتو على الرهاب
كان الخداع بطفي الشموع
وكان التقدم هو الرجوع
وكان الكلام
لا بسد رمق لا بداوي جوع
ما الشمس غابت من زمان
ما عرفت مين سبب الدموع؟
ما عرفت مين قصد الخراب؟
ما عرفت مين أخطأ وتاب؟
لا عرفت مين صادقات مشاعرو
ومين اللي سطر ليك محبتو في الكتاب؟
قالو الزمن غلاب
ما إنت شايفه
حتى كان لابسا النقاب
شوفي مين حجب الجمال
وشوفي مين سجل غياب
.
شايله في قليبك عليْ
قايلاني اتخليت عليك
فاكره اني بعد سليتك
اني سافرت ونسيتك
لما الحراب كترت عليك
وكانت وعودهم ليك سراب
ما في واحد شال كتاب
ولا في واحد دقا باب
كان الجميع بدّو الشعائر
ما هو مخلص بس مكابر
زي البدفّق كل مويتو على الرهاب
كان الخداع بطفي الشموع
وكان التقدم هو الرجوع
وكان الكلام
لا بسد رمق لا بداوي جوع
ما الشمس غابت من زمان
ما عرفت مين سبب الدموع؟
ما عرفت مين قصد الخراب؟
ما عرفت مين أخطأ وتاب؟
لا عرفت مين صادقات مشاعرو
ومين اللي سطر ليك محبتو في الكتاب؟
قالو الزمن غلاب
ما إنت شايفه
حتى كان لابسا النقاب
شوفي مين حجب الجمال
وشوفي مين سجل غياب
.
المشاركات
